Diaranson dia 26 di October, Instituto Pedagogico Arubano (IPA) y su Centro di Investigacion (CIDE) conhuntamente cu Galeria Artisa ta organisa un encuentro comunitario titula ‘Sports and Resistance in the Caribbean’. Durante e actividad aki lo tin un presentacion di Dr Artwel Cain, director y investigado na e ‘Institute of Cultural Heritage & Knowledge’. E lo enfoca riba deporte den Caribe y mundo como vehiculo di emancipacion contra di discriminacion y opresion colonial. El lo uza como ehempel e deporte di Cricket den Caribe y tambe personahenan manera Mohamed Ali den boxeo.
Despues di su presentacion lo pasa un documentario cu a gana diferente premio internacional yama ‘Fire in Babylon’ cu ta ilustra e impacto di e asina yama West Indies Cricket Team (Windies) durante e añanan ‘70 y ‘80. Como team, West Indies Cricket a sa di conquista mundo henter y a bira simbolo di anticolonialismo ora nan a gana nan ex Madre Patria Inglatera den nan mesun cas. Esaki tawata nifica hopi ya cu Inglatera mes a inventa e asina yama ‘gentleman’s game”.
Ta invita tur interesado pa ta presente na e actividad unico aki cu ta tuma luga den un espacio ameno rondona pa arte local
Fecha: diaranson, dia 26 di October
Luga: Galeria Artisa situa na San Nicolas (schuin tegenover La Aruba)
Orario: 7:00 – 8:30pm
Pa mas informacion por manda un mail na [email protected] of yama IPA na tel 524 3100 y puntra pa Gregory Richardson.