Instituto Pedagogico Arubano (IPA) y su Centro di Investigacion y Desaroyo di Enseñansa (CIDE) den colaboracion cu Ministerio di Enseñansa y Maneho di Famia, ta tene un congreso riba tereno di enseñansa y investigacion segun Marylin Richardson.
Sra. Richardson a splica cu e conferencia aki ta bay ta un follow up riba un conferencia cu IPA a organisa caba na 2016. Aña pasa IPA a celebra 25 aña di existencia, y a organisa un conferencia titula “Transforming teachers for the 21st century”. A pensa di sigui elabora ariba e tema aki, y aworaki no ta solamente “transforming teachers for the 21st century” pero tambe “fcommunity”. E biaha aki, basa ariba haciendo investigacion, e asina yama “praktijkgericht onderzoek”.
Duracion die conferencia lo ta di tres dia, cuminsando for di dia 22 di Mei. E prome dia ta mas pa e personanan den enseñansa mes. E ta dirigi ariba e “hoger onderwijs instellingen”, pero tambe e scolnan cu ta proporciona studiantenan pa un educacion superior, hunto cu tur nan partnernan den enseñansa.
Parti merdia lo tin diferente invitado for di comunidad, den e comunidad comercial y diferente NGO’s. E tema general di e prome dia, ta e importancia di haciendo uzo di un comunidad di investigacion basa ariba practica. Ta importante pa yega na un centro di conocimento. E di dos y di tres dia lo ta bay basa ariba maestronan di scol. E ora ey IPA lo bay mas ariba e tereno con pa haci e sistematica di investigacion pero tambe di didactica di investigacion, pa asina no solamente e maestronan haci uzo di investigacion pa drecha no solamente nan practicanan, pero tambe specialmente pa hisa e resultadonan di alumnonan den klas.
E parti di didactica ta mas e parti unda ta siña via e proyecto cu ta haci cue muchanan, cu nan ta bay ta siñando formanan, pa e mucha tambe for di un edad hopi jong, cuminsa haya un caracter investigativo. Asina e ta siña con pa anda den bida, pa investiga y siña mas den bida.
Drs. Gregory Richardson tambe a duna mas informacion over di e vision cu tin tras di e henter e parti di research. Esey ta un esfuerso grandi cu ta wordo haci for di e departamento di investigacion di IPA hunto cu otro coleganan. Por wak e conferencia aki cu no solamente IPA ta bezig cun’e pero tambe lo tin varios personanan di varios instittuo di enseñansa superior lo tey pa duna diferente charlanan y splicacion con nan ta bezig cu investigacion, cual ta Hogeschool Rotterdam, cual ta bay participa activamente, IPA, Universidad di Aruba y tambe Universidad di Corsou lo duna varios charla.
Tambe lo bay tin cooperacion cu e ISL (International School Leadership), cual ta un subsidiario di Ontario Principal’s Council cu den e ultimo dos añanan a duna training, na tur hende den liderasgo den enseñansa na Aruba. Y e biaha aki, nan tambe lo ta presente durante e conferencia aki y aki maestronan lo haya puntonan practico con bo ta haci uzo di investigacion pa drecha e siñamento di e studiante, segun Sra. Marylin Richardson, di Instituto Pedagogico Arubano, IPA.