IPA lo tene un congreso tocante research y esaki lo ta pa tur hende pa cual Sr. Haime Croes ta splica.
Dia 22, 23 y 24 di Mei, IPA ta organisa un Congreso pa loke ta trata onderzoek. Kisas e palabra aki no ta cay na agrado di hopi hende, pero ta algo pa futuro. E parti of e era cu ta drentando aworaki, casi no por mas sin research.
Un paar di tempo pasa, IPA a cuminsa cu su Congreso cu tabata dedica na 25 aña, unda a papia di transformation di e teacher pa siglo 21. Eyden a busca un guru internacional, Sr. Hart Hartgraves cu a bin mustra e aspectonan importante, e skillsnan cu e docente di toekomst mester tin y un di nan tabata e nuebe puntonan, pa loke ta trata e aspecto di 21st Century skills. Ta trata aki di skillsnan cu e docente mester tin, y un di nan ta onderzoek. E aña aki a kies pa onderzoek, cual ta e base cu tur mester tin, vooral e docentenan, nan mester ta consciente cu awendia scolnan ta bayendo pa e asina yama kenniscentra.
Sr. Croes a sigui splica cu e docente tin un taak di educa e muchanan, pero e docente tin un otro taak tambe, cu loke ta trata kennis. E aspect di kennis aki, door di research, IPA hunto cu e parti di comunidad por yuda combati cierto problemanan, specialmente enseñansa cu ta na horizonte. Den cuadro di esaki, IPA a pone esaki su dilanti, pa pone comunidad un tiki di acerca kico ta spera nos den e futuro y pa kico e studiantenan cu ta caba IPA e dia di mañan tin un aspect di research, cu nan ta haya un “onderzoekende houding”cu por yuda nos muchanan, pa den futuro por funciona mas miho den ciudad.
Finalmente, Sr. Haime Croes a bisa cu por spera mas informacion den e dianan venidero y ta invita e docentenan di diferente scolnan. Esaki nan por tuma contacto cu nan directornan y asina esunnan cu tin relacion cu research por bin na e congreso, unda lo tin diferente oradonan di exterior lo ta presente, manera Hogeschool Rotterdam cu ta un di nan partnernan, y hunto cu Universidad di Aruba, Corsou y Surinam lo bay debati ariba e topico aki.