Studiantenan di e di tercer aña di IPA, lo cuminsa proximamente cu un programa yama Perspectiva Mundial. Sr. Berthson Boekhoudt, director di Studionan Incial na IPA.
IPA ta un instituto na nivel di HBO y ta zorg pa studiantenan haya un estudio pa docente di scol, anto lo tin den nan curriculum tambe Investigacion y internacionalisering. Estudionan na IPA ta parti den tres fase. E prome aña lo ta e fase propadeutico unda cu e studiante lo traha riba e dominio di e materianan cu e la scoge pe. Den e siguiente fase, e studiante lo cuminsa busca mas informacion ariba e profesion mes. Esaki ta wordo haci den e di dos y e di tres aña di estudio. E ultimo fase, ta e fase 3, cu ta e fase di “afstuderen”, den e di 4 aña di estudio.
Fase dos, ta e fase caminda cu e ta bay wak tur e aspectonan di e profesion, esaki lo ta den e di dos cu tres aña cu lo por haya mayor informacion den su area estudio. Den e prome aña y mei, e studiantenan ta bay wak tur area di su profesion, cu’n link di enseñansa di Aruba. Pa logra esaki, e studiante no por keda na Aruba, den e di dos mita di e aña e studiante cu bay un periodo afo, pa bay un tiki mas leu di loke tin na Aruba den su area di studio profesional.
Director di IPA a splica cu aunke lo tin coleganan encarga pa e desaroyo di e parti di investigacion akinan y yuda na e studiante su aprendisahe, den paralelo cu esey lo tin un linea di investigacion cu ta pone cu studiante haya diferente temanan di e investigacion pa bay investiga y haci studio pafo di Aruba esaki lo ta durante 3er aña di estudio manera a wordo menciona, unda cu e mesun studiante lo bay encera tur estudionan cu a realisa den exterior, conoce y reforsa e conocemento, anto despues di esey lo bini bek na Aruba unda cu e ta bay haci e link bek e enseñanza di Aruba cu e conoce y e parti aki tambe ta importante cu ta bin dilanti.
Banda di esey tin internacionalisering, caminda cu IPA lo tin contacto internacional cu diferente institucionnan rond di Europa y America unda e studiante lo por scoge pa bay sigui su estudionan. E studiantenan cu a bay afo anto participa den un universidad di afo, anto ta tambe den e programa aki tambe ta contempla ta bezig pa logra cu studiantenan di afo lo por bin Aruba tambe y traha den conhunto den e programa aki cu tin na Aruba y pasa un temporadanan di studio akinan, esaki ta referi na e studiantenan for di Hulanda.
Mas aleu na September IPA ta bay cuminsa cu internacional minor caminda cu studiantenan di Merca y Reino tambe lo por participa den e programa, anto keto bay IPA lo cuminsa cu e dos programa aki core, segun director di IPA, Sr Berthson Boekhoudt .