OPPA ta invita su miembronan pa asisti na nos tan gusta Celebracion di Fiesta di Pasco.
Esaki lo tuma luga e biaha aki den e Ball Room di Aruba Marriott Hotel riba diadomingo,
18 di December 2016, cuminsando for di 10.00 am te cu 3.00 pm.
Entretenimento musical lo ta den man di Rondalla Universo di Aruba y Papito y su Biba Lekker Band. Riba e dia di fiesta aki, OPPA lo rifa diferente premio atractivo.
Balor di e carchi pa e celebracion ta AFl. 60,- pa persona, tanto pa e miembro como su introducido. Cada miembro por introduci UN persona di 18 aña p’ariba.
Carchinan ta obtenibel na oficina di OPPA for di dia 14 di November 2016 durante ora di oficina: di 9.00 am te cu 12.00 pm.
Paseo den Bus pa wak e luz- y decoracionnan di Pasco riba 21 di December 2016.
E aňa aki atrobe, OPPA ta pone 2 bus disponibel pa e paseo. Miembronan cu ta desea di participa na e paseo, por goza di e dushi ambiente di pasco rond Aruba. Balor di e carchi pa e Paranda di Pasco den bus ta AFl. 20,- pa persona y ta pa solamente miembro y su pareha.
Recordatorio
Directiva di OPPA ta recorda su miembronan riba su Reunion General (ALV) cu lo tuma luga dia 20 di November 2016 na Compleho Deportivo Franklyn Bareño na Piedra Plat, cuminsando for di 10’or di mainta.
Tambe directiva di OPPA ta informa su miembronan cu oficina di OPPA lo ta cera for di 19 di December 2016 te cu dia 4 di Januari 2017.