Manera ta ser conoci, dia 27 di maart a ser declara pa e Instituto Internacional di Teatro. Unda numeroso manifestacion artistico ta ser organisa rond mundo, relaciona cu e fecha aki.
Aruba ta parti di e mundo aki, aunke nos ta insola den e Caribe, por lo menos nos comunidad sa di kico esaki ta trata, aunke ta ser pensa cu e genero “comedia” ta e unico genero cu ta cubri nos imaginario y ta desconoce e gran gama di genero cu ta conforma e artenan escenico.
Nos tin hopi prioridad educacional den tur tereno cultural, mas den e fronteranan cu por existi entre floklore y arte, entre arte y artesania, entre hobby y profesion y den tur confusion aki, nos a desaroya un clima cultural ausente di oportunidanan pa creacion.
Art Rap Foundation, conhuntamente cu Cas di Cultura Aruba a tuma e iniciativa di lanta bek e espiritu y pasion pa e genero teatral. E idea ta pa sigui uni mas y mas e personanan talentoso manera bo persona den e aventura magico y maraviyoso aki.
Ta pesey bo ta cordialmente invita pa bin celebra huntu cu nos e fecha memorable aki.
Riba dialuna 27 de Maart cuminsando for di 5:00 pm te cu 7:00 pm na Cas di Cultura, na unda nos lo tin un encuentro di creadornan di tur disciplina artistico. E idea di e encuentro aki ta pa relaciona nos mes, intercambia ideanan, busca conexion y encamina posibel proyectos den cooperacion den un futuro cercano.
Pa 7:10 pm – 7:20 pm nos lo presenta e performance: “The understanding of an artist, applying to a Fund”
7:30 pm. Estreno: “Diaranson Anochi” creacion colectiva di artistanan local. E entrada ta pa Publico ADULTO. 18+ cu’n Contribucion di Afl. 15
“Entre haci y no haci semper mester elegi pa haci.
Si nos nos ta haci nada, nos ta frustra nos mes pa henter nos bida. Si nos ta haci algo y nos ta ekivoca,
nos ta keda cu e experiencia”. Alejandro Jodoroswky.