Grupo “Homber den accion pa resa rosario”. Apostolado Mundial di Fatima ” ta invita tur hoben y hende homber di Aruba pa resa rosario. Diadomingo awor 18 di november 2018 pa 6 or di atardi. Den Catedral San Francisco. Ta resa Santo Rosario Misterio Glorioso y ta sigi cu oracion y canto na honor di Inmaculada Mama Maria. Den siglo 1200 San Dominico a ricibi for nos Mama Celestial un rosario, cu ta contene e 3 misterionan. Te awe nos ta tur ta resa rosario cu atencion y respet. Aruba mester di oracion di hombernan. Despues tin Santo Srificio di misa pa sera e dia di Señor. Hende muhernan den silencio ta compaña e hombernan den nan oracion. Cu Dios drama su bendiciona riba tur hoben y hombernan di Aruba y mundo henter.
Papa Francisco ta hasi enfasis pa hombernan resa e Santo Rosario cu fervientemente . Aki na Aruba nos tur ta mira cu hopi shofer ta colga un rosario dilanti den nan auto, nan ta haci’e cu fe, pa proteccion di nan famia y pa nan mes. Esey no ta kita cu no tin desgracia, pero cu fe nan ta sali for di nan cas y pa regresa sanamente na e trankilidad di nan cas, for di trabao.