Minister di Transporte Sr Chris Romero durante un conferencia di prensa a toca e tema di e avioneta cu a cay na Calbas 19 Februari 2019 den careda di 8 or. E avioneta ta un piper PA38 cu a haci un aterisahe den e mondi. Ta conoci cu tabata tin dos ocupante den e avioneta aki un di nan nacionalidad Mericano y otro nacionalidad Venezolano. Ambos persona a sali cu heridanan ileso, e avion a sali for di Republica Dominicana pa Aruba. Investigacion keto bay ta andando y ta casi cla, expertonan di directie luchtvaart cu ta trahando riba e caso aki abase di acuerdonan di ANEXO 13 IKO cu ta e supervision di avion bou di united nations, cu ta encarga cu reglanan di vuelonan unda tin siguridad di pasaheronan na prome luga.
Minister Romero a duna di conoce cu tin indicacion cu for di e rapport cu e ta un problema cu fuel, unda e avion mester a aterisa den mondi. Debi cu e avion ta registra na Merca a avisa e parti mericano di biaha y nan a avisa di lo conta y confia di e investigacion cu ta keda haci door di Aruba mes, y nan no ta wak e necesidad pa participa na esaki. Investigacion criminal cu hopi hende ta papia di dje, y ta usual pa start e investigacion criminal pero ta solamente si tin algo na esaki y e desicion aki ta wordo tuma door di Ministerio Publico, y esaki no tabata tin nada di criminal.
Otro instancianan di directie luchtvaart a sigura pa desmantela cierto aparatonan for di e avion, esaki a keda haci cu e piezanan aki por wordo bendi riba mercado preto, pa hendenan bay haci cosnan ilegal y keda instala den otro avion. E dianan nos dilanti ta bezig pa ruimop e avioneta pa laga e luga limpi atras. Mirando cu e luga di naturalesa cu ta pa e deportistanan di mountain bike, Minister ta lamenta con tin personanan a logra di bay cu parti nan di e avion.
Minister Romero a bisa cu e ta corda con e mes a menciona cu tabata tin un patruyahe, seguridad cu lo controla e avion pero ta un punto cu mester bay mehora pa futuro manera algo asina sosode pa tin patruyahe di biaha y no hopi oranan despues, y esaki a causa cu algun cos a keda desmantela for di e avioneta.
Un plan integral pa full gobierno cu ta determina tarea y responsabilidadnan pa tur instancianan envolvi cu un caso di accidente aereo. E dia di e anochi di e accidente e plan a keda ehecuta exitosamente aparte di cierto di cosnan, y asina mes dentro di poco lo tin un evaluacion pa determina kico mester mehora ainda. Rapport final e procedura cu unavez e draft rapport keda revisa y aproba door di un comision independiente e lo keda publica como e rapport final, ta spera cu esaki lo tuma 2 pa 3 luna un termino normal den casonan di un accidente aereo, e rapport lo contene conclusionnan pero tambe recomendacion pa cu futuro. Mester actua cu e unico proposito di e investigacion aki ta pa determina e causa raiz di e accidente pa preveni accidente similar pasa den futuro y un proposito no ta pa apunta culpabilidad pero pa preveni asina Minister Romero a finalisa.