Internacional: Tin investigacion actualmente na isla di Bahamas despues cu 3 mericano a fayece di un manera misterioso na Sandals Emerald Bay Resort. Tabata for di diabierna ultimo cu trahadornan a yama autoridadnan pa yega na e resort, pa asina atende cu un homber turista cu nan a bin topa morto den un di e vilanan. A bin topa e homber riba vloer y no tabata duna señal di bida. Aparte di esaki a bin topa un homber y un muhe morto den un otro vila morto. Den e caso aki e homber tabata banda di un muraya y e dama riba cama. Un di e 4 turista a keda transporta cu helicopter pa hospital na Nassau pa tratamento medico avansa, su situacion ta stabil. No ta trata te awor aki di un caso di crimen, pero si e caso ta bou di un investigacion. E personanan tabata haya sintoma di sakamento y mariamento. Minsterio di turismo y tambe embahada mericano ta sigui cu autoridad local pa sa precies kiko a bai robes den e caso aki.