Dia di Maestro ta un dia festivo den mundo di Enseñansa pero tambe e ta un momento oportuno pa refleha ariba e posicion di e funcion di e maestro di scol den nos comunidad. Sr. Chando Pieters, miembro di directiva di SIMAR ta amplia.
Manera ta conoci constantemente e maestro di scol ta un tiki bou di presion di e comunidad, sigur pa loke ta trata e resultadonan cu alumnonan ta presta. E tin di haber tambe cu e maestro di scol. Pero tambe ta bon pa wak y pone enfasis ariba algun aspecto relaciona cu e posicion huridico di e maestronan di scol. Ta conoci cu e maestro di scol, pa loke ta su entrada no a conoce un ahuste. Esey ta pone tambe cu e maestro di scol constantemente ta un tiki bou di presion. Y tin otro aspectonan manera e posicion huridico y aspecto secundario, manera e edad cu a hisa pa e maestro bay cu pension.
Esaki ta puntonan cu mester pone enfasis ariba dje y tambe e maestro di scol como guia di alumno den klas. Ora cu papia cu mayornan, hopi biaha ta papia di e maestro cu nan dos yiu na cas y nan tin’e loco. Esey ta pone bo pensa kico esey ta nifica pa e maestro di scol. E maestro di scol cu cinco dia pa siman ta wordo confronta cu 26-28 alumno y e ora ta puntra, con e ta deal cu esey y kico comunidad ta haci pa yuda e maestro den e reto grandi ey.
SIMAR ta comparti e preocupacion di mayornan y ta haci un yamada na comunidad y gobernantenan, pa pone e inversionnan disponibel cu por conduci cu e maestro ta miho ekipo pa e por para dilanti di klas. Y esey no ta unicamente pa recapacita e maestro den su posicion pa e por deal miho cu e problemanan cu alumnonan ta drenta scol cun’e, kisas su estado social/emocional.
Di otro banda,alumnonan mes tin cierto problemanan cun’e. Nan ta puntra nan mes ken mi ta, kico mi ta haci na scol. Pakico siña. Y e maestro di scol para ey dilanti, cu preguntann cu kisas den su trayectoria ta yega na maestro di scol, no a ekip’e cu e toolsnan necesario pa deal cu esey.
E pregunta ta con leu ta duna e maestro e espacio pa e tambe por cambia y bay cu e cambionan di manera cu e por compronde e alumno miho. Esey SIMAR a bin ta enfatisa e delaster añanan, pa deal cu cierto cosnan, segun Sr. Chando Pieters, miembro di directive di SIMAR.
E minister di Enseñansa por discuti y ehecuta cierto plannan. Discuti pa discuti no tin sentido. Mester discuti y planea, ehecuta cierto plannan, pa cu e maestro. Sr. Pieters ta di opinion cu esey lo sosode riba un plataforma cu tur e stakeholdernan hunto.
Educacion cu ta hiba na un profesion, na Aruba no ta asina hopi aprecia. Mayoria mayor kier pa nan yiu bay scol halto, na un VWO pa wordo acepta na Universidad pa e ta trankil. Esey ta pone cu mester mira paden tambe di enseñansa, y puntra e dicon e imagen negativo ey ta biba den comunidad. Un comunidad no por biba cu abogado, hurista y dokternan so. Den comunidad mester tin tur nivel di profesion hendenan capacita.
Pero mester puntra nos mes tambe, cu scolnan cu ta traha ariba un profesion, si nan tin e dinamismo asina den man, cu nan por bisa cu nan ta deliver productonan cu e comundiad mester. Ta pone e hendenan, preparanan bon, Ta haci apelacion tambe na mayornan, pa pone e muchanan unda cu nan mester ta, esey ta trece cun’e cu tin menos frustracion den enseñansa, menos critica ariba e scol y maestronan. Ta brinda un servicio y un enseñansa cu ta acopla cu e necesidad di e alumno, segun Sr. Chando Pieters di SIMAR.
SIMAR ta bezig ta formando un directiva nobo y banda di dje, tin un Grupo 4, cu ta asesora e directivanan. Tin un paar di puntonan di atencion, cu lo conseha e directiva nobo, pa habri discusionnan, p.e. kico ta bay haci cu e idioma Papiamento den scol, si tin espacio pa mehora.
SIMAR ta di opinion cu tin hopi caminda pa mehora pa loke ta trata e idioma Papiamento. Pero di otro banda mester pensa tambe ariba un maneho di idioma mas profundo, udna ta papia di un scol bilingual, unda cu Aruba ta kedando atras di hopi otro pais.
Hasta Merca cu ta enfoca ariba desaroyo interno, hopi estado ta bin cu scolnan bilingual, ya cu Mericanonan no ta bon prepara, ya cu ta ingles so e por. Aruba tin un bentaha hopi grandi, door di e influencia di hopi idioma, no ta haci uzo di e beneficio ey, segun Sr. Pieters, ta algo di lamenta.