Inversionistanan ta cla pa inverti na Aruba, pero e baricadanan cu tin pa haya e ‘vestigingsvergunning’ ta keda un obstaculo grandi pa haya mas inversionista. Ariba esaki a combersa cu e mandatario encarga cu economia, pa asina haya sa kico ta wordo haci pa elimina of al menos haci e obstaculonan menos. Sra. mr. Xiomara Ruiz- Maduro ta amplia.
Esey segun e mandatario, Aruba ta keda interesante pa inversionsita. Y den cuadro di esaki pa por traha mas ariba e oportunidadnan cu ta haya, por wak cu gobierno ta trahando ariba locual ta un investment policy. Es decir ta bay bende Aruba como One Happy Investment Island, cual ta locual a haci tambe den locual ta e vision economico di Reino, di cual e mandatario tabata particiapnete. Ariba esaki ta trahando y esaki lo bira e investment policy, den locual tin e maneho pa atende inversionistanan. Y e maneho aki, den dje ta hiba tur locual ta e puntonan, e tardansa cu tin, of kico ta locual cu pa añanan largo a siña ta kico a bay bon y kico mester bay mas lihe, y tempo ta placa. E inversionistanan ora e bin, e wordo yuda mas lihe, esey e ora ta nifica cu e lo keda aki, enbes di bay otro isla. Y mas cu claro, den e maneho ey, tin algo pa ofrece na e inversionista. Y e por haya e bista.
Esey no ta cla ainda, e ta wordo traha y hunto cun’e, ta trahando ariba e promising sector, dus e 6 sectornan cu a wordo identifica pa locual a busca un facilitador internacional, pa sinta cu nan. E comerciante ta esun cu mester wordo facilita y di nan a sali afo kico nan ta mira di oportunidadnan di negoshi cu ainda no a wordo explora. Y cu tin oportunidadnan ainda di esunnan existente. Y den esey a saca esun di turismo. Ainda tin caminda pa diversifica, pero tambe den e sector agricola. Tin hopi oportunidad den e parti logistica y tambe tin tambe cultura, e orange economy, y den cultura tin tambe loke tin tambe hopi oportunidad y talente hoben aki na Aruba cu tin oportunidad di haci negoshi akinan.
Ta trahando ariab lcoual ta e incentivonan cu metser bin for di gobierno pa facilita pa negoshinan tuma luga. Ora cu identifica esakinan, esaki no kiermen cu ya pa otro aña ta activo. Tin ta tuma mas tempo cu otro. Un di e sectornan identifica ta e turismo medico, pero pa esaki mester tin otro cosnan na nan luga, manera un ICU, otro infrastructuranan y esey ta tuma su tempo. Esey ta un ehempel caminda cu wak cu berdad eynan ta unda por diversifica. Pero pa diversifica, mester traha ariba un paar di factornan, pa por haci’e posibel. Y esey ta locual departamento economico ta trahando pa nos, pa kico ta e rekisitonan, cua ta e incentivonan cu gobierno por duna, pa asina e ora por facilita e comerciante cu ta den e ‘driverseat’ pa haci e tipo di negoshinan y pa por atrae e inversionista internacional, pa haci’e curioso pa haci negoshi den un di e sectornan aki. Asina ta crea cuponan di trabao nobo, pa asina e economia por lora. Esey ta loke gobierno ta bezig cun’e.
QUICK SCAN
Pa loke ta un quick scan pa posible inversionistanan nobo, Sra. Ruiz- Maduro a bisa cu gobierno ta trahando ariba un screening autoriteit, pa ora hendenan bin cu inversionistanan, pa asina sa cu ken ta deal.