LIMA, Peru – E inundacionnan pa e awasero intenso na Peru a laga 23 morto, 72 mil persona afecta, 994 cas distrui y 46 kilometer di caminda kibra, segun e reporte ofreci diasabra pa e minister di Defensa, Jorge Nieto.
Durante un bishita na e damnificadonan den e districto di Chaclacayo, oost di Lima, Nieto a informa cu e emergencia a causa lesion na 37 persona y cu e candidad di damnificadonan pa e perdida di nan hogar, ta ascende na 6003 persona den henter e pais.
“Den e casonan aki, loke nos a haci ta desplega e tentnan di Indeci (Instituto de Defensa Civil) cu e apoyo cu nos tin di e municipionan provincial y distrital pa brinda alberge na famianan afecta te cu nos cuminsa cu e reconstruccion,” prensa a declara.
E deslisamentonan di lodo y inundacino a causa, ademas, e destruccion di 14 brug y daño na otro 32, mescos cu e obstruccion di 375 kilometer di caminda.
Nieto a bisa cu 3000 efectivo di forsanan arma a wordo desplega pa duna ayudo pa loke ta emergencia climatico, mita di cual ta den e regionnan di Arequipa, Ica, Lambayeque, Lima y Piura, esunnan mas golpia pa e huaiconan, manera ta denomina na Quechua na e deslisamentonan.
“Tin kebradanan cu no a wordo activa desde mas di 80 aña, manera esun cu a blokia e variante di Uchumayo na Arequipa, cu tabata un evento absolutamente inusual. Y tin otronan cu a afecta cu intensidad mayornan na lo previsto, e minister a declara riba e magnitud di e awasero di e ultimo dianan.
Gobierno Peruano a declara den emergencia varios districto di e region Lambayeque y di Loreto pa e inundacionnan pa facilita trabaonan di remove e escombronan y yuda e damnificadonan.
Fuente: NTN24