TEXAS, Merca- Cientos di residentenan di Texas a diadomingo tabata pidi ayudo door di publica nan situacion ariba rednan social, manera Facebook y Twitter. Nan tabata tweet nan adres na autoridadnan di emergencia. Misionnan di rescate a traves di gruponan di Facebook a wordo organisa. Y potretnan a wordo poni ariba rednan social, mustrando e gravedad di e situacion.
E peticionnan tabata comun: “Tin un hende noord di Housten cu un boto cu por rescata dos mucha di 3 y 6 aña, nan mama, nan welo y wela, como tambe dos cacho?”
Algun funcionario habil ariba rednnan social a responde di biaha.
Ya nos a wak e tipo di respuestanan aki a trabes di rednan social den otro paisnan, pero nunca na Merca y den e extremo aki.
En realidad, e ultimo biaha cu e horcan a subi tera firme na 2005, Twitter no tabata ni sikiera existi. (Un horcan ta di categoria 3 of mas grandi).
Horcan Harvey a subi tera firme na costa di Texas como horcan categoria 4 diabierna y a trece awaceronan torencial den zuid di Texas.
Diasabra anochi y den marduga di diadomingo, awaceronan extremo a cubri e zona metropolitano di Houston, forsando miles di persona pa busca tera seco.
Hopi ta e habitantenan cu a confia ariba television y radio pa haya informacion, pero a uza nan celular pa busca yudansa.
Den hopi parti di e ciudad y e comunidad cercano, e cellsitenan tabata sigui funciona a pesar di e inudacionnan, di manera cu e ciudadanonan por a lesa e actualisacionnan ariba e rednan social y publica nan mesun noticianan.
Algun periodista cu tabta wak e peticionnan di yudansa tabata pasa e mensahe aki pa autoridadnan.
Tormenta tropical Harvey den su paso a laga por lo menos dos morto: un den e ciudad di Rockport y otro na Houston, ciudad cu ta sufriendo inundacionnan catastrofico.
Fuente: http://cnnespanol.cnn.com