E tarifa social pa paga pa recoge sushi tabata un dilema pa añanan largo. Na momento cu a cuminsa cobra na 2015, por bisa cu ta 10% so Serlimar a ricibi na pago. Sra. Marelva Wever, Manager Financiero di Serlimar ta splica.
Desde 1 di juli, lo wak un cambio den tarifa pa recoge sushi, y nan ta hopi positivo pa wak e cambio. Management Team di Serlimar ta contento cu e introduccion di e tarifa social. Nan ta gradici tanto sindicato como e minister pa por a yega na e tarifa social. Awo ta pueblo mester cumpli cu e pagonan, pa asina Serlimar por sigui brinda servicio na e pueblo.
Tabata tin un destaho publico pa tur e containernan, cu ya caba tin 11 aña caba y Serlimar tin pensa pa por cuminsa cambia na nivel nacional, pero gradualmente. Esunnan cu mester di nobo, lo ta miho pa nan yama Serlimar pa asina registra cual ta esun cu mester bay prome. Asina Sra. Mariela Wever, Manager Financiero di Serlimar a splica.