Finalmente e florin Caribense lo wordo introduci dia 31 di maart 2025. Banco Central di Corsou y Sint Maarten (CBCS) ta pidi disculpa p’e confusion cu a tuma luga encuanto e fecha di introduccion, a base di e publicacion di e Informe Anual 2022, dia 29 di december. Esaki ta segun Curacao.nu.
Segun e Banco, e informe financiero di 2022 ya a completa na juli 2023 y a wordo adopta p’e Conseho di Supervision di Banco Central. N’e momento ey a fiha e fecha di introduccion p’e di dos trimester di 2024, pero e fecha premira di introduccion a wordo posponi definitivamente, den consulta cu e banconan comercial, te cu dia 31 di maart 2025, pasobra e informe annual ya a wordo aproba p’e Conseho di Supervision, no tabata possible ahusta e informacion di e informe.
E beneficiarionan final, e ministernan di Finansa di ambos pais, no a adopta e informe Anual di 2022 te cu december 2023, despues cu a informe a wordo publica como tal pa Banco Central dia 29 di december 2023.