Diabierna mainta banco central durante un presentacion a introduci e biyetenan nobo. Banco Central di Aruba ta e unico banco cu por emiti biyentenan di florin na Aruba. Esaki ta encera cu BCA mester percura cu e biyetenan den circulacion ta di bon calidad y ta cumpli cu exigencianan halto di siguridad. Pa sigura cu e biyetenan di florin ta mantene e nivel mas halto di calidad y sigurudad, BCA ta introduci un serie di biyetenan di florin nobo cu un diseño completamente nobo y elementonan di siguridad di mas moderno.
Dentro di un periodo di tempo difini e serie nobo aki di 2019 lo reemplasa completamente e serie existente di 2003, cu ta actualmente den circulacion. Di e manera aki BCA ta contribui na mantene e confianza den nos biyente di florin y tambe mehora e eficiencia y efectividad di nos sistema di pago.
Lo introduci e serie nobo di biyentenan di florin 2019 dia 3 di Juni 2019. For di dia 4 di Juni 2019 te cu dia 4 December 2019 ( 6 luna ) por intercambia e biyentenan di e serie 2003 pa e biyetenan di e serie 2019 solamente na e banconan comercial. Desde dia 5 December 2019 te cu 12 Augustus 2049 ( 30 aña ) por intercambia e biyetenan di e serie 2003 pa e biyetenan di e serie 2019 solamente na BCA.
Co-Cirulacion: Por usa e biyetenan di e serie 2003 como metodo legal di pago te cu dia 11 di Augustus 2019, desde dia 12 di Augustus 2019 e biyetenan di e serie 2003 lo stop di ta un medio legal di pafo. Consecuentemente no por usa esakinan mas pa hasi pago.