LYON, Francia- Interpol a rechasa e peticion di Ecuador pa localisa y aresta e ex presidente presidente Rafael Correa, busca pa husticia Ecuatoriano pa su supuesto implicacion den e secuestro di e politico opositor Fernando Balda na Colombia na 2012.
“Dia 5 di december 2018, pa 10:35 (15:35 GMT), e hues nacional Daniella Camacho Herold a ricibi un carta oficial di Interpol unda cu e institucion internacional ta splica cu e ta elimina e datonan di e ciudadano Ecuatoriano Rafael Correa Delgado, despues di a studia e elementonan relaciona cu su situacion huridico”, segun un comunicado di e Corte Nacional di Husticia (CNJ).
Interpol a argumenta su decision riba e hecho cu “wardamento di e datonan” den e Sistema di Informacion di e organismo, “no ta compatibel cu e obligacion” di sigura e cooperacion efectivo entre autoridadnan policial den e marco di respet na e Declaracion Universal di Derechonan Humano”, cual ta hancra den articulo 2 di su statuutnan.
Cu esaki e organismo policial ta rechasa e “difusion cora” solicita pa husticia Ecuatoriano pa e localisacion y aresto di e ex presidente cu ta biba na Belgica desde juni 2017, poco despues cu el a laga e poder den man di su sucesor y actual rival politico, Lenin Moreno.