MIAMI, Merca- Interpol a emiti un alerta cora pa purba na detene e ex- Presidente di Panama, Ricardo Martinelli, cu ta wordo acusa di a ordena un interceptacion ilegal di comunicacion cu finnan politico. E hecho aki lo a tuma luga durante su mandato (2004-2009). E alerta ta bin despues cu e Corte Supremo di Husticia (CSJ) Panameño a emiti e peticion y e cu gobierno a solicita na 2016, pa extradicion di Martinelli.
E ex- presidente di Panama, Martinelli ta wordo acusa di a viola e derecho na secrecia y tambe di intimidacion door di tap telefonnan di su contricantenan politico, di forma ilegal.
Pero e ta nenga e acusacionnan y ta acusa e actual mandatario, Juan Carlos Varela, kende ta un ex- aliado, di vengansa.
Fuente: www. notiamerica.com