Fundacion WeConnect Aruba ta co-productor di e International Queer & Migrant Film Festival (IQMF) Aruba, cu lo wordo organisa riba dianan 1 y 2 di October. Pa prome biaha den historia di aruba, cu un festival di pelicula lo tuma luga cu kier engrandece e visibilidad di peliculanan Queer y LGBT den relacion na comunidadnan migratorio.
E festival IQMF ta wordo organisa den diverso paisnan rond mundo. Director artistico Chris Belloni ta motiva e escogencia pa Aruba: “E IQMF Festival a origina na Amsterdam, pero mit ahaya cu ta importante pa otro paisnan cu tin atencion pa peliculanan LGBT den relacion na migracion. Door di migracion hende por bin den un ambiente caminda cu otro atencion ta wordo duna na diversidad sexual. Nos festival ta duna atencion na esaki.” Conhuntamente cu Atelier 89, dianan 1 y 2 di October lo por bay wak documentarionan caminda cu e tema di diversidad sexual ta bin dilanti.
Strike a Pose
IQMF ta presenta e premier di Strike a Pose na Aruba, un pelicula riba e bailarinnan di e Blond Ambition Tour di Madonna for di 1990. E bailarinnan den e documentario ta bay bek den liberdd sexual, epidemia di Aids, fama y gloria pasa. Un otro documentario cu lo wordo pasa ta One Kingdom, ONe Love, dirigi pa Sebas Kes.
E storia central ta basa riba activistanan homo di Aruba, Corsou, Sabano, St. Maartense y Boneriano, cu a bay riba e boto di Reino den e zomer di 2015 na Amsterdam. Tambe e miembro di Parlamento Arubiano, Desiree de Sousa-Croes a wordo filma na Aruba y na Hulanda. Director Sebas Kes ta bin Aruba pa e film y despues cu e caba , lo bay duna un charla den sala.
E programa completo di e dos dianan aki ta para riba https://www.facebook.com/iqmff
Diasabra 1 di October:
19:00: Sarita Colonia – the moral Truce
21:00: Strike a Pose
Diadomingo 2 di October:
19:00 One kingdom One Love (cu charla)
21:00: Kiki (no ta confirma ainda)