Drs. Siegfried Dumfries, director di Departamento di Cultura Aruba den nomber di Ministerio di Cultura y Departamento di Cultura a biaha durante weekend pa nos isla ruman Corsou pa un intercambio cultural ‘Siman di Kultura’ cu ta dedica na nan Lenga Materno Papiamentu.
Riba Brionplien, Otrabanda na Corsou por aprecia director di Departamento di Cultura Aruba, drs. Dumfries den compania di Su Excelencia sra. Irene Dick, Minister di Kultura di Korsou na apertura di ‘Siman di Kultura’.
Aki tabatin un bunita apertura di ‘Siman di Kultura’ cu Grupo Memoria di Korsou, e grupo di baile di Seu y Tambu y tambe cantante di Korsou Donny Mercelina di 80 aña a canta ‘Kalin tin pieu’ y un dushi tambu ‘Sosega’. Despues tabatin un combersacion cu e cantante Amy Felicia. E siman aki ta dedica na nan Lenga Materno Papiamentu. E cantante Amy Felicia di Corsou a enterpreta varios cancion y entre nan esun titular ‘Bo Mirada! E apertura aki tabata un atardi y anochi bon anima. Den siman lo sigui relata encuanto e Siman di Kultura aki na nos isla ruman Corsou.