CIUDAD JUAREZ, Mexico – Alberto Aguilera Junior, e mayo di e yiunan di Juan Gabriel, tabata victima di unintento di secuestro na Ciudad Juarez. Asina Silvia Urquidi a duna di conoce den exclusiva pa e corant Basta!
Silvia a relata na BASTA! Cu Alberto tabata pafo di su cas, ora cu dos persona a cerk’e cu e pretexto pa entreg’e un paki. El a dirigi na e porta pa habri pa nan, ora cu bisiñanan di e sector a alert’e cu tabata trata aki di un trampa.
“Ora el a bay habri e porta, su bisiñanan a alert’e y a bis’e cu nan tabata eynan desde varios ora, danki na e bisiñanan ey, e secuestro no a logra,” el a bisa.
Di acuerdo cu un amiga di e difunto Juan Gabriel, e accionan aki tabata tin di haber cu e proximo dianan lo bay tin un audiencia na Miami, unda cu lo defini kendenan ta e herederonan di el Divo.
Algun dia pasa, Alberto Jr. a tuma posesion di e cas di Juan Gabriel di Ciudad Juarez den caya 16 de septiembre, cu un operativo policiaco, pasobra tabata tin hende eynan pa tuma posesion di e cas.
Ta desconoce kende por tabata tras di e intento di secuestro, pues ta cualifica e hecho cu un campaña pa spanta nan.
Te na e momento ningun hende a tuma responsabilidad di e hecho.
Fuente: http://netnoticias.mx