Diahuebs, pa mas of menos 8’or y 46 di mainta, Patruya a dirigi patruya di unidad K9 na un adres na Pos Chikito, den cuadro cu un intento di ladronicia. Eynan a papia cu e dama K. kende a declara cu un dia prome banda di 9’or di anochi, tur porta y bentana di e edificio tabata intacto y laga na yabi.
Mainta ora cu a yega rond di 8’or y mey, a bin descubri cu desconocidonan a forsa un bentana parti patras di e edificio. E desconocidonan tambe a drenta via bentana, caminda cu nan a pusha e hekwerk duro y a los’e di e muraya cu e meta pa drenta paden di e edificio.
E malhechornan a borota den un oficina. K. no tabata sa precies ki mercancianan a wordo horta, mirando cu un otro hende ta traha den e oficina. Den e caso cu e lo ripara cu e falta di algo e lo tuma contacto cu polis. Departamento Tecnico a wordo poni na altura door di Central pa posibel fingerprints.
E desconocidonan lo a uza un pida hero den forma di T pa asina forsa e bentana y a laga esaki pafo. Esaki a wordo confisca den cuadro di mas investigacion. Keho a wordo tuma. Central a wordo poni na altura.