Central di Polis ta manda un patruya pa papia cu e doño di “Dental Laboratory NV”, e cabayero B. E ta declara cu dia 29 di Mei, pa mas o menos 8 or y 15 di anochi, el a sali for di su oficina. Riba e mesun dia, pa banda di 11 or y 50 di anochi, e ta haya un yamada telefonico di e personal di Smart System cu un kiebro lo a tuma luga den su oficina.
Na su yegada na su oficina, e ta ripara cu e bentana banda pabao tabata kibra. Desconocinan a kibra e bentana pa asina haya acceso pa e cas pa asina comete e robo, of e intento di robo. Central di Polis a wordo poni na altura.