Ta termina e aña escolar y Instituto Kateketico Diosesano Aruba ta presenta dos proyecto bunita pa e muchanan di scol catolico. Pastoor Wuilder Garcia a hiba palabra y cuminsa e conferencia cu un oracion di San Francisco, e motibo ta cu den luna di mey dia 7 a wordo celebra dia internacional di reciclahe y dia 5 di Jun ta celebra dia internacional di Medio Ambiente. Tambe a hiba palabra Maroushka Maduro Miembro di IKDA, Adelin Trimon-Geerman Luthmila Coffie Miembro di IKDA, Luthmila Coffie Miembro di IKDA.
Instituto ta presenta dos proyecto bunita e prome ta un concurso pa mustra bo arte cu material recicla y e otro ta un festival di canto y tambe mester uza material di reciclahe. E concurso di arte ta encera pa traha rosario cu material di recicla, lo tin 3 categoria como scol, klas y individual, cua scol lo participa; scol preparatorio, basico y scol segundario, riba dia 9 Jun 2023 na Club Caiquetio di 5 pm pa 7 pm ta invita pueblo di Aruba pa bin aprecia lo cual e muchanan por haci cu material recicla entrada un sonrisa y apoya e muchanan.
Na e festival di canto e muchanan mester wordo acompaña cu instrument cu material di recicla y cada participante por tin di 5 pa 10 mucha maximo cu por ta cune riba stage pa toca e instrument cu material recicla. Hunto cu nan lo tin persona pa compaña e muchanan cu un cuarta of un guitara pa no perde e melodia. solamente lo wordo husga e material di recicla cu nan a presenta y e cantante. E evento tin 1 luga pa cada scol y nan por bende nan producto riba e dia aki pa scol mes por haya fondo. Entrada lo ta algo simbolico pa crea fondo, cual lo ta 1 florin pa mucha y 3 florin pa adulto e evento lo tuma lugar riba dia 1 Jul 2023, na Club Caiquetio, di 6 pm te cu 9 pm.
