Instituto CASLA di Praga, un plataforma pa estudionan di Latino America na Republica Checo, a presenta dilanti e Corte Penal Internacional, na Den Haag casonan nobo di supuesto torturanan na Venezuela. Esaki segun e directora di e entidad, e Venezolano Tamara Suju.
Na Juli di aña pasa, e disidente Venezolano, cu tin asilo na Praga for di November 2014, a presenta na Den Haag, e prome informe riba casonan di tortura y metodonan uza na Venezuela for di 2002 pa 2016. Den e informe ta aparece nombernan di victimanan como tambe di e.o. e Gobernador di Aragua, Tareck el Aissami y e generalnan Nestor Reverol y Gustavo Gonzales Lopes, acusa di tortura.
E comando di persecucion y intimidacion crea pa gobierno di President Nicolas Maduro ya tin 6 preso politico nobo.
CASLA, funda na 2007, ta un instituro di estudionan Latinoamericano y ta fungi como consehero di e Ministerio di Asuntonan Exterior di Republica Checo.