DPL tin lista grandi di hende cu ta busca trabou pero no ta haya segun Sr. Hubert Dirks di fta. Kisas mester tin un inspeccion di parti di Departamento di Labor, pa wak con serio e dunadonan di trabao ta. E necesidad di e dunado di trabao, pa baha su gastonan pa tuma cheap labor, ta haci cu por crea un desempleo local, mientras trahadonan stranhero ta haya trabao. Sr. Dirks ta splica.
Segun Sr. Dirks, un stranhero cu ta gana na su luga 100 dollar, ora e bin traha na Aruba, e minimumloon ta hopi p’e. E ta sacrifica tur cos pa e por keda cu su trabao. E departamentonan concerni mester preveni cu DPL ta eynan, pero tanto bal, paso esunnan cu ta riba lista pa haya trabao no ta logra haya, paso e dunadonan di trabao ta logra haya e trahado na su manera.
Basicamente, Aruba tin un reto su dilanti pa loke ta e parti laboral na Aruba, pero Sr. Dirks ta bisa cu esey semper tabata asina. Pero loke ta hopi importante, ta cumpli cu ley. Ley no por keda riba papel so, pero haci inspeccionnan pa reinforsa e ley. Dunando multa, ta pone cu tur hende ta cumpli cun’e.
Tur hende tin comprension, cu e gastonan pa haci negoshi ta halto, pero un negoshi mester por draai dunando trabao na nos hendenan local.
FTA mester haci un peticion oficial pa un reunion cu Minister di Labor, y ta spera cu den e proximo dianan lo por sinta cun’e.