Edwin Kock chef di parti electrico na DTI durante un entrevista a splica na tur hendenan cu ta construiendo un cas e procedura pa loke ta keurmento parti di coriente, unda via di DOW tur hende ta haya e informacion cu bo tin cu pasa na DTI pa busca un instalator pasobra e ta un persona adecua cu ta zorg pa e keurmento di e coriente di cas. E instalator ta e persona cu ta handel meimei di DTI y Elmar y ta representante di e cliente, na oficina di DTI na Barcadera tin un lista di e herken instalator cu por escoge kende por aserca y asina pidi un oferta di e cas y e mapa cu bo tin y asina e persona por duna e cliente un prijs. Manera cu e cliente ta cla pa haci e proceso di trabou e instalator tin haci peticion na Elmar y eynan ta cuminsa cu un bouw meter y asina ta cuminsa traha e cas cu e bouwaansluiting. Pero e tin su rekesitonan pa yega na e bouwaansluiting naturalmente, y asina mester set un ground y un cashi cu fuse y un caminda pa pone e meter di elmar cu ta keda sigur.
NIS
Pa loke ta e cashi coriente pafo ta mastanto di Elmar unda Elmar ta informa e instalator unda e meter principal lo bay ta pa asina pone e NIS, DTi ta zorg pa mas tanto e instalacion despues di meter bay paden di cas. Pa loke ta elmar ta e meter pa bay pafo.
Desaproba instalacion
Sr Edwin Kock a menciona cu un persona cu keda desaproba pa loke ta instalacion di coriente e instalator tin cu manda e peticion na Elmar y pa loke ta DTI ta manda si encaso tin keurmento di vloer y plafond y otro keuring cu mester keda haci. Pa loke ta vloer ta bay con e tubonan ta core y si no tin mucho bocht y si nan no ta bon wanta y esakinan ta pa proteha e cliente, y si esei no ta e caso ta pone e instalator drechanan y lo keur af y tin un temporada pa drecha esaki di nobo. Y despues di e ultimo keurmento e peticion tin cu bay Elmar y eynan elmar ta registra esaki y wak si e bario tin basta coriente cu e por suministra e cas y despues di esaki ora elmar pasa riba e rekesitonan aki e instalator lo haya esaki y eynan ta trece e copia original pa DTI. Eynan DTI lo bay analisa e pintura pa wak si tur cos ta bon e pati di fuse, braker, cabel, tanto luz, y si e cushina ta keda parti y abase di esei ta keur.
Ruta di Keur
Sr Edwin na final a menciona cu na momento pa yega di keurmento e instalator tin manda e papel bek pa Elmar despues cu DTI aproba esaki y cerca Elmar tin dos ruta di keur cu ta pariba di brug ta riba diaranson y pabou di brug ta diamars y diahuebs. Y diabierna DTI ta keur instalacion di solar panels.