Pa basta tempo caba tin basta disgusto entre e trahadonan di Parke Arikok, vooral pa nan posicion huridico. Nan tin hopi keho ariba e manera cu e Gerencia nobo no ta atendiendo cu nan debidamente, pasobra cu ki ora cu pidi reunion, nan no ta haya reunion. Diaranson e trahadonan a haya un memo, cual a pone nan rabia hopi. Esaki a desemboca den un protesta, pa cual varios sindicato, den representacion di nan debido miembronan a presenta. Asina tambe sindicato SEPPA, representa pa e shopsteward Sr. Edmundo Marlin, kende a reacciona ariba e situacion na Parke Arikok.
Sindicato di Empleadonan Publico y Priva (SEPPA) ta bezig cu e situacion di e trahadonan di basta tempo caba, door cu tin basta disgusto ya cu tin cosnan cu no canando bon den e institucion aki, y lo tin presentacion formal di keho cu e bestuur unda cu gerencia nobo no ta atende cu e posicion huridico di e trahadonan.
Den varios oportunidad reunion cu directiva a wordo nenga na e trahadonan. Diaranson e trahadonan a haya un memo, cu a pone nan rabia, ya cu tin cosnan cu tumando luga den parke cu e trahadonan no ta compronde kico ta pasando. Ora di trece cambio, mester sinta cu e trahadonan y splicanan kico ta e cambio, y unda lo kier bay. E trahadonan tin basta aña cu hopi cosnan no a wordo drecha na Parke Nacional Arikok, manera nan posicion huridico di e trahadonan y no por bin atende otro cosnan nobo sin tuma na cuenta esun cu tin e prioridad .
Lo por bin cu un vision di futuro di e parke, pero mester tene na cuenta cu tin trahado cu mas di 10 aña ta warda pa su situacion huridico wordo drecha y esaki no a sucede. Trahadonan tin basta luna caba cu peticion di reunion cu gerencia pero nan no kier duna oido tampoco. E trahadonan a sali diaranson mainta, pa motibo di un memo cu a sali unda e trahadonan no ta compronde e contenido di e memo aki.
Tambe a bin padilanti cu tin mas desaroyo nobo cu ta tumando luga anto sin conocemento di trahado, y esaki a pone finalmente trahadonan a rabia unda nan a pidi reunion pa exigi nan derecho y regla tur e asuntonan cu tin pendiente pa basta aña caba
Instabilidad cu cambio di gerencia lo ta e base di e problematica aki, asina Sr. Edmundo Marlin di SEPPA unda cu cada rato un director nobo lo purba compronde kico lo ta e problematica y ni un a logra pa bin cu un solucion.