Riba 8 y 9 di juni e Inspecties Volksgezondheid di Aruba, Corsou y Sint Maarten a reuni cu otro pa di dos biaha. Na november 2017 e tres Inspecties a firma un acuerdo formal unda cu a stipula cu lo intercambia experticio tocante maneho y proceduranan. E biaha aki e tres organisacionnan a reuni cu otro na Corsou unda cu a discuti entre otro e registracion y importacion di remedi, metodologia pa haci inspeccionnan y cooperacion cu Inspectie Gezondheidzorg en Jeugd di Hulanda. Durante e reunionnan a haya e oportunidad di siña di e experiencianan di otro y a bin na un acuerdo pa traha mas hunto riba cierto areanan. E siguiente reunion ta planea pa tuma luga prome cu fin di aña na Sint Maarten.