En conexion cu e maneho di keho cu ta obligatorio pa tur dunadonan di cuido desde 1 januari 2019 y e otorgamento di permiso na casnan di cuido, Inspectie Volksgezondheid Aruba lo organisa un anochi informativo. Durante e anochi aki, tur casnan di cuido lo haya amplio splicacion kico e maneho di keho te encera y kico mester regla pa por haya un permiso. Pa tur casnan di cuido ta conta cu nan mester tin un maneho di keho y nan permiso cla prome cu 1 di augustus 2019.
Pa splica tocante e otorgamento di permiso, e seccionnan di Cuido di Nos Grandinan y di Higiena di Departamento di Salud Publico Aruba (DESPA) lo ta presente, como tambe representantenan di Brandweer y DTI. Nan lo duna splicacion tocante e “fast-track” pa asina tur cas di cuido por ricibi nan permiso lihe ora cu un peticion wordo entrega.
Fecha: 19 maart 2019
Orario: 7 – 9 PM
Luga: MFA Paradera
E informacion duna durante e anochi aki ta sumamente importante pa tur casnan di cuido. Pa es motibo, Inspectie ta urgi representantenan di tur cas di cuido pa ta presente durante e anochi aki. Si tin cualkier pregunta, por tuma contacto cu un di nos funcionarionan di inspeccion telefonicamente: 526 2160 of via email: [email protected]