Inspectie der Geneesmiddelen su derecho di existencia na peliger

0

Den un reunion cu TOPA tabata tin cu Minister di Salud Publico, nan a trata e Departamento di Inspectie der Geneesmiddel, cu for di basta tempo caba, e departamento aki ta confronta problema pa locual ta nan derecho di existencia. Sr. Rene Bernabela, lider di sindicato TOPA cu e relato.

Durante e gobernacion anterior, e minister di Salubridad Publico, a institui e departamento pero e no a finaliza pa locual ta e Formatie Rapport. Consecuencia ta aworaki cu e personal cu ta traha na e Departamento di Inspectie der Geneesmiddelen, nan ta zweef. Niun di e trahadonan aki tin nan Landsbesluit, nada ta wordo regla pa nan. Kico esey a haci ta cu a bay cerca e Minister di Salubridad Publico actual y e minister di su banda lo bay institui un comision caminda lo bay bin cu’n instelling di e departamento, pa tin un proyeccion di e departamento, ap asina institui e departamento manera cu e mester ta.

E departamento aki tin un trabao sumamente importante, pa locual ta tur e remedinan importa aki na Aruba, pero e formato cu e departamento aki ta coriendo awo, ta oficialmente e no ta cla ainda. Y den e caso aki, a informa minister Oduber, cu no ta cos di awo pero di basta tempo caba, cu lo kier un formalisacion formal di e departamento aki. Y finalmente, minister a duna di conoce na TOPA cu pa diabierna e lo trece esaki den ministerraad pa asina oficialisa y bin cu e comision. E ora lo bay institui diferente persona den e posicion aki, pa di e forma aki, haci un doorlichting, y duna Minister Oduber un conseho pa cu e departamento aki, ya cu manera cu e ta funcionando actualmente no ta e manera corecto cu’n departamento importante mester funciona.

Sr. Bernabela a bisa cu tur traha cu ta cay bou di Inspectie der Geneesmiddelen, tur ta zweef ya cu no tin Landsbesluit pa nan, esaki por ta un menasa, den sentido mirando nan trabao cu nan ta haci pa locual tur control di tur remedi cu ta wordo importa aki na Aruba, specialemente si wak e boticanan cu mester wordo controla tur remedi cu ta wordo importa. Y e papelnan di e personal cu ta traha den e departamento aki, mester ta na ordo. No por caba di compronde con por tin un ex minister di Salubridad Publico, por a haci un kibocacion asina graval, cu ta cuminsa institui un departamento, cuminsando di patras bay dilanti. Esey ta falta di conocemento di parti di ex minister, pero aworaki e trahadonan di Inspectie der Geneesmiddelen ta paga pa e mal maneho di e ex minister aki.

DRH ta hunga un rol den esaki, pero e ta un cooperacion. E instruccion mester bin for di e minister en cuestion. Si DRH no haya instruccion di e minister, nan tampoco no ta haci nada ariba esaki. Y ta pon’e un banda. Y tur esey a conduci cu e dia di awe, e departamento ta den un situacion caotico, cu mester wordo resolvi rapidamente. Te asina leu, Sr. Rene Bernabela, lider di sindicato TOPA.

Comments

comments