Manera ta conoci, por medionan di comunicado den prensa, e viaducto na Meiveld a wordo habri pa 4 dia. Personanna cu a yega cerca, a tuma nota di algo masha singular cu ta e forma con e “fundeshi” ta traha. Aparentemente, e ta traha cu poco bulto di tera hinca den saconan y esaki nos di Masnoticia tambe a tuma nota, esta cu e fundeshi di e viaducto ta traha den gran parti di tera. Na comienso a pensa cu lo ta bultonan di sushi cu ta wordo dera na Seri tijshi.
E “papel” cu ta want’e, a kita y e santo a cuminsa “brokkel af’. Pregunta ta kico lo para di e viaducto ora cu awa cuminsa yobe, mirando cu e fundeshi di e viaducto ta wordo forma di bulto di tera.
Ta keda na DOW pa splica na pueblo, kico exactamente ta bay ta e consecuencia na momento cu e pida aki, cu ya caba a habri, ora cu awa cumisna cay, kico ta bay ta e consecuencia pa e viaducto aki.
Ta algo increibel pa wak un viaducto di calidad inferior cu ta wordo traha, compara cu loke henter e proyecto a costa e pueblo di Aruba. Redaccion di Masnoticia lo sigui tene su lectornan y e pueblo di Aruba di tur loke ta relaciona cu e viaducto aki.