E hunta directiva di Foundation INSIGHT for the Arts Aruba, conhuntamente cu apoyo financiero ricibi di Prins Bernhard Cultuurfonds Caribisch Gebied ta haci posibel un espacio renoba y disponibel pa e comunidad artístico y amantenan di arte.
Pa 17 aña, sin interupcion, Foundation INSIGHT for the Arts Aruba, a keda porta habri pa e desaroyo artístico local. Produciendo y co-produciendo, proyectonan expositivo, di publicacion y residencia pa artista internacional.
Awe, Danki na e constante ayudo ricibi di parti di Prins Bernhard Cultuurfonds Caribisch Gebied, nos tin un miho infrastructura adecua pa ofrece. En via di mehora nos ambiente cultural local y calidad artisico.
Door di e comunicado aki, nos directiva y danki na e apoyo recibi, kier haci un open call, pa proyectoan artistico local – internacional pa organisa un agenda expositivo pa 2017. Tomando na cuenta e desaroyo di e Di Dos Encuentro Bienal na caminda, riba nos a traha durante e aña aki den su pre produccion.
Artista of curator interesa pa ingresa un propuesta di exhibicion, por libremente manda un PDF completo na [email protected] of tuma contacto cu Sra. Alida Martinez via e number di telefon 297-7341400.
Hunta directiva ta gradici na Prins Bernard Cultuur Fonds Caribbean pa e confiansa durante tanto aña di labor profesional na Aruba.