InselAir mester kita e beslag riba interCaribbean asina cu e ricibi e garantia di banco di 500 mil dollar di interCaribbean. Esaki a keda determina den corte den un caso sumario diaranson mainta cu e aeroliña InterCaribbean a entama.
Segun InterCaribbean, e cancelacion mester tuma luga pasobra cu e compania ta sufri daño serio door di e beslag cu tin poni. Entre otro, nan mester a cancela tur nan vuelonan pa St. Maarten. Di otro banda, corte a bisa cu e garantia di banco mester tuma luga pasobra e aerolinea a keda den ‘default’ di e sentencia na December ultimo.
Eynan a dicta cu mester a presenta suficiente fondo pa garantisa e acuerdo di e creditornan, sino e ta haya un multa di mei miyon florin. Corte ta haya cu ta importante cumpli cu e sentencianan, aunke e ta compronde cu si den un eventual apelacion e sentencia ey keda destrui, InterCaribbean no por haya e multa paga na InselAir bek.
Asina tambe e peticion di InselAir pa tuma e accionan di e compania, y pa pone placa y avionnan na disposicion di InselAir a keda rechasa pa hues. Den pasado caba a rechasa e peticion aki.