Diadomingo 29 di september ta tuma luga e di 5 edicion di Voz di Kiniki mini-merengue festival 2019. E escenario principal ta Cas di Cultura y e cantica mester ta original na Papiamento den mundo di mucha. E ritmo ta merengue. Cada cantante ta canta su cantica “live” acompaña pa su pista bailabel. Mayornan ta liber pa kies e musico pa traha e pista pa nan yiu. Ta permiti un total di maximo 6 bailado pa compaña e cantante den su presentacion.
Tin 3 categoria di edad cu ta di 4 pa 7 aña, 8 pa 11 aña y 12 pa 16.
Tur esnan interesa pa nan yiu participa por tuma contacto cu Addonsito Croes na 5602626 of Tio George Winterdaal na 5616151.
Ganado y finalistanan den pasado tawata Emmanuel Blanco Sanchez, Xenon Orfao, Jaidy Croes, Ishmerai Helder, Serena Morrison, Ivy-Ann Bryson, Melody Franken entre otro.
E bunita di e festival aki ta cu e pista ta keda existi y e cantante por semper usa esaki pa presentacionan den futuro!