Departamento di Enseñansa Aruba (DEA), seccion Examenbureau, ta informa cu e inscripcion pa e Prueba di Naturalisacion (Naturalisatietoets) pa aña 2020 ta habri entrante dia 27 juli 2020.
Ta tuma un maximo di 75 candidato pa e inscripcion. Asina cu 75 candidato inscribi, e inscripcion ta cera.
Pa motibo di e situacion di e Coronavirus (COVID-19) e pruebanan lo no wordo tuma mesora. Siguiendo e desaroyo di e Coronavirus lo dicidi ki luna lo tuma e pruebanan. Tampoco no mester paga ora di inscribi pa e pruebanan. Ora cu nos stipula e fechanan pa e Prueba di Naturalisacion tuma luga lo haya un email pa bay paga na banco y trece e prueba di pago pa Examenbureau.
Ora di inscribi pa e Prueba di Naturalisacion mester trece:
Paspoort valido
Permiso di estadia legal valido
Extracto di registro civil di Aruba (Afl. 5,00)
Si ta bin pa ripiticion: verklaring cu resultado di examen haci anteriormente.
Pa aplica pa e Prueba di Naturalisacion y pa e foyeto di informacion tocante e prueba mester acudi na e website “Enseñansa Aruba” www.ea.aw y busca Naturalisatietoets na letter (N) of Prueba di Naturalisacion na letter (P) den e alfabet menu riba e pagina principal.
Tambe por sigui Departamento di Enseñansa Aruba via Facebook y Instagram @educationaruba pa informacion y anuncionan importante.
WWW.EA.AW, WWW.PAPIAMENTO.AW, +297 528 3400, STADIONWEG 37, ORANJESTAD, ARUBA