E aña aki un biaha mas pa di 9 aña consecutivo Aruba lo bai disfruta di un bunita proyecto cual ta e projecto di Kids & Teens Christmas Song Festival.
E meta di e Song Festival ta pa nos no laga nos cancionnan di Pasco na Papiamento conoci como cancionnan di Pasco Classico bay perdi y tambe dunando oportunidad pa cancionnan di Pasco nobo riba mercado por medio di propio composicion.
E rekisito pa participa na Kids & Teens Song Festival ta cu e cancion mester ta di Pasco y na Papiamento. Di e forma aki ta aporta y contribui tambe na dushi Papiamento.
Lo tin 3 categoria: Categoria di 4 pa 7 aña; Categoria di 8 pa 11 aña; y Categoria di 12 pa 17 aña.
Pa compaña e participantenan lo tin un biaha mas e mesun All Star Band pa 9 aña consecutivo bao encargo di Sr. Danny Koolman, un tremendo banda cu tin amor pa mucha y tin pasenshi pa guia cada un di e participantenan.
E All Star Band ta consisti di e siguiente musiconan:
Danny Koolman; Diego Henriquez; Julius Martines; Jeff Gomez; Otmar Manuela; Muki Greaux y Randy Koolman
Coristanan:
Nicole Martines – de Kort; Lou-Ann de Kort; Sharline Hernandis..
Participacion ta completamente gratis. Tur participante cada un ta haya 4 training cu banda y e banda ta completamente en bibo. Inscripcion a habri y tin luga ainda den categoría 8 pa 11 aña y 12 pa 17 aña.
Por tuma contacto cu Tante Juli na Cel: 592-6185 pa mas informacion y pa inscribi e participante.
Kids & Teens Christmas Song Festival lo tuma luga diadomingo 07 di November 2021 cuminsando pa 2:00 PM den Cas di Cultura.
