IBiSA ta cla pa e di 4 Aquathlon Escolar 2017
Invitacion y tur informacion pa registra online via www.deporteescolararuba.com a wordo manda pa schoolnan di Enseñansa Basico y Enseñansa Avansa, y otronan manera EPI, EPB, Colegio Arubano, Universiteit van Aruba, IPA etc. Pa mas informacion por tuma contacto libremente cu sr. Juni Dake of Sr William Erasmus na IBiSA, Frankrijkstraat 1 of yama na telefoon 582 49 87.
E di 4er Aquathlon Escolar ta dia 9 di december 2017 y ta tuma lugar na Nikky Beach/Linear Park pa 7’or di mainta, pero ta cuminsa registra ya caba for di 6’or di mainta. Riba e dia aki NO TA TUMA INSCRIPCION.
Inscripcion:
E ultimo dia pa inscribi ta diabierna dia 6 di december 2017. Registra via www.deporteescolararuba.com
Participacion na e di 4er Aquathlon Escolar ta COMPLETAMENTE GRATIS.
E competencia ta den e siguiente categorianan:
Categoria individual: Edad: Distancia:
A – mucha muhe / mucha homber : naci na 2009 y mas jong 1K core-100M landa-1K core
B – mucha muhe / mucha homber : naci na 2007 y 2008 1K core-100M landa-1K core
C – mucha muhe / mucha homber : naci na 2005 y 2006 1.5K core-100M landa-1.5K core
D – mucha muhe / mucha homber : naci na 2003 y 2004 1.5K core-100M landa-1.5K core
E – Femenino / Masculino : naci na 2002 y mas edad (Studiante di: MBO, EPI, EPB, Colegio , Universidad di Aruba, IPA etc)
2.5K core-200M landa-2.5K core
P – Femenino / Masculino : Maestronan y demas colega laborando den Enseñansa –
2.5K core-200M landa-2.5K core
Premiacion ta: 1e, 2do y 3er luga.
Categoria Relay Team: (consisti di 2 persona)
Distancia:
B.O : Alumnonan di Enseñansa Basico 1K core-100M landa-1K core
V.O : Alumnonan di Enseñansa Avansa 1.5K core-100M landa-1.5K core
E : Naci na aña 2002 y mas edad (Studante di: MBO, EPI,EPB, Colegio , Universidad di Aruba, IPA etc) 2.5K core-200M landa-2.5K core
P : Maestronan y demas colega laborando den Enseñansa –
2.5K core-200M landa-2.5K core
Premiacion ta: 1e, 2do y 3er luga.
IBiSA ta spera un participacion grandi un biaha mas, como tambe ta invita demas alumno y maestro pa bin apoya tur participante na e di 4er Aquathlon Escolar di dia 9 di december 2017.