Dia 19 maart Cuerpo di Inmigracion di Aruba ta 49 aña di existencia, pa cual Sr. Gerald Fingal, director di IASA ta elabora ariba e fecha aki.
Riba e fecha aki ta recorda cu e prome Inmigratie Ambtenaar a drenta den servicio di Sectie Vreemdelingen Politie Luchthaven, cual tempo ey e tabata cay bou Cuerpo Policial. P’esey 19 maart ta celebra e di 49 aña profesion di Inmigratie Ambtenaar cu a keda crea dia 19 maart 1969.
Den transcurso di tempo hopi ta e cambionan cu a sosode, tin e cambionan unda cu dia 1 September 2002, e Departamento di Inmigracion a sali for di bou di Cuerpo Policial y a bay Departamento DINA (Departamento Inmigracion y Naturalisacion Aruba) y na Juli 2006, a bin un cambio unda cu DINA a wordo opgeheven, y a haya e Organisacion actual, cu ta Instituto Alarma y Siguridad Aruba, IASA. Esey ta e parti organisatorio.
E partinan interno tabat atin hopi cambio. P.e. e Radex cu a wordo introduci na 2008 unda cu e proceso di klaar in y klaar uit hendenan a wordo automatisa. Tambe tin e parti di desaroyo innovativo, cu a tuma luga na 2015 cu e proyecto Happy Flow, cu ta garantisa siguridad y duna un servicio na cliente mas rapido ora di salida y entrada. Actualmente Miras pa Futuro cu ta e ESTA cu lo wordo introduci na un termino cortico.
Un otro cambio IASA a haya na october 2016 el a haya e tarea di papelnan di peticion di garantia, cual nan a tuma over for di Directie Wetgeving & Juridische Zaken.
Mas aleu Sr. Gerald Fingal a señala cu 2 luna pasa nan a cuminsa ricibi tur e casonan cu Dimas tabata trata tambe y awor aki nan na ta bezig pa crece mas ainda como organisacion y lo bay wordo otorga e nomber oficial di Inmigracion Aruba.
Naturalmente cu e cambionan aki menciona sigur lo bay tin mester mayor cantidad di trahado na e area di contracto di personal siendo cu tambe Aeropuerto lo ta bay amplia nan instalacionnan.
Pa ultimo Sr. Gerald Fingal a splica cu Aeropuerto lo bay sufri un cambio den e structura pa e pasaheronan pa e acceso na e sala di salida pre-cleareance pa e parti Amerciano pero den futuro ta bay tin un unico sala grandi unda tur hende lo pasa den e mesun acceso cu destino Merca pero tambe na e otro destino internacional. Di e banda ey, por bisa cu e no tin efecto cu e tin mester di mas hende, pero actual di loke e situacion ta aworaki, nan mester di mas hende.
E posibilidad di e instalacion di un ferry tambe lo ta contempla pa biaha entre islanan A, B y C den futuro. Esey kiermen cu lo ta bay tin mester mas personal y ekipo di trabou.
Unifornan actual di Inmigracion, tin mesun color di Inmigracion Mericano y esaki no kiermen cu nan a uni cu Inmigracion Mericano. Pero nan ta sigur cooperando cu otro.
Sr. Gerald Fingal, aunke e tin 4 aña so trahando como director di Inmigracion, pero asina mes e ta orguyoso cu e dia aki por wordo celebra. sigur e ta desea e trahadonan hopi perseverancia pa nan por desplega e trabao ainda mas miho cu actualmente.