Riba dia di Betico, Minister Endy Croes a haci diferente bishita rond di Aruba. N’e ocasion special aki e mandatario realisa un bishita na Fundacion Fe, Speransa y Amor na San Nicolas. E fundacion ta existi pa mas di tres aña y tin e proposito pa brinda ayudo na esnan den necesidad, brinda ayudo pa cu e area di rehabilitacion di un persona, re-integracion di e persona bek den sociedad, yuda hendenan cu no tin un luga di drumi y ta siñanan con pa planta. Minister Endy Croes a haya un recorido di e luga y por a aprecia diferente cumindanan cu nan a prepara di nan mes un plantacion manera entre otro yambo y diferente cuminda crioyo. Minister Endy Croes ta gradici Fundacion Fe, Speransa y Amor, p’e invitacion y bunita recepcion. Alabes ta gradici nan pa yuda y extende un man na esnan den nesecidad. ‘Cu nos bon Dios bendiciona boso trabou’, e mandatario a finalisa.
