E areglo di subsidio Fortificacion duradero di e capacidad pa genera entrada ACS y BES ta bai den consulta via internet. Intencion di e areglo di subsidio aki ta pa haci inversionnan cu ta contribui na desaroyo economico duradero di Aruba, Corsou, Sint Maarten y Boneiro, Saba y Sint Eustatius. Tambe por pidi subsidio pa inversionnan cu ta necesario pa prepara un peticion pa proyecto. Entrante 28 di juni publico por reacciona durante 30 dia riba e areglo.
Pa e areglo aki tin en total € 130 miyon disponibel. A dividi e suma den 2 parti: € 100 miyon pa paisnan Aruba, Corsou y Sint Maarten y € 30 mion pa Boneiro, Sint Eustatius y Saba.
Preparacion y implementacion di e peticion pa subsidio
Cu e areglo ta posibel pa pidi subsidio pa dos fase den e proceso. Por ehempel por haci uzo di e subsidio den Fase A pa haci entre otro estudionan preparatorio of otro actividadnan cu tin mester pa defini y desaroya un proyecto.
Den Fase B ta trata di peticion pa subsidio pa implementacion di e proyectonan mes. Proyectonan cu ta bin na remarke mester tin relacion cu e siguiente temanan:
absorbe consecuencianan di cambio di clima y duna e transicion energetico forma;
fortifica calidad di enseñansa y mehora e infrastructura educativo;
mehora e infrastructura digital di gobierno y fortifica servicio publico na ciudadano- y empresanan;
mehora e infrastructura basico;
mehora eficiencia di costo den produccion di cuminda;
y haci sectornan economico duradero.
Exploracion di mercado
Na mes momento cu e consulta via internet aki, ta tuma luga un exploracion di mercado. Meta di e exploracion di mercado aki ta pa inventarisa posibel proyectonan cu por bin na remarke pa haci un peticion pa subsidio, denter di e actual criterionan di e concepto di e areglo. Ademas e exploracion di mercado tin como meta tambe pa conseha riba eventual adaptacionnan den e cuadro- y criterionan den e concepto di e areglo. Esaki mester yuda selecta proyectonan cu por duna e contribucion di mas grandi na e capacidad pa genera entrada duradero riba e islanan. Ta procesa e resultadonan di e exploracion di mercado aki huntu cu e resultadonan di e consulta via internet. Di e manera aki e areglo ta conecta cu loke e islanan tin mester.
