CARACAS, Venezuela – Ingeniero Keysi Sayago di 22 aña, a wordo corona diaranson como Miss Venezuela 2016 y lo representa e pais den e concurso Miss Universo 2017.
Hunto cu Sayago, e candidata di e estado Monagas, a wordo reconoci Diana Croce (Nueva Esparta) y Antonella Massaro (Vargas) como prome y segunda finalista entre e 24 concursantenan.
E aspirantenan a desfila den trahe di baño y di gala, entre numeroso musical, den e edicion 64 di un espectaculo di popularidad halto na Venezuela, pero a wordo golpia pa e profundo crisis economico cu e pais ta atravesa desde 2014.
“Ya nos no ta mira e artistanan di pasado. Ya pa hopi tempo esaki no ta pasando, a pasa cu hendenan manera Luis Fonsi, Olga Tañon of Daddy Yankee a pasa pa presenta den Miss Venezuela. El a caba di ta un parodia di loke e tabata,” e periodista Simon Villamizar a bisa.
“E propio Osmel Sousa – organisado di e certamen desde mas di 30 aña 0 a reconoce cu e tabata trahando cu huña,” Villamizar, editor di arte y entretenimento di e corant, El Universal, a agrega.
Conduci pa Sousa, conoci como e “tsar di beyesa”, Venezuela ta fabrica di reina. E ta posee shete corona di Miss Universo (unicamente supera pa Merca, cu ocho), seis di Miss Mundo y y decenas mas di otro concursonan internacional.
Aunke e ta un di e eventonan mas spera cada aña den e pais, Miss Venezuela no tabata aheno na e crisis profundo pa motibo di e caida di petroleo, cu desabastecimento di 80% di alimento y remedi, segun calculacionnan priva, y inflacion proyecta na 475% pa 2016 pa IMF.
E gala a wordo haci den un studio di e canal di Venevision (doño di e derechonan di transmision), cu participacion di e cantantenan Eddy Herrera Republica Dominicana), Omar Enrique (Venezuela), Felipe Pelaez (Colombia), na comienso di e show.
E hobennan exponente di ritmonan urbanco Oscarcito y Gustavo Elis, a canta durante e desfile di trahe di baño, mientras cu e cantantenan crioyo Reinaldo Armas, Scarleth Linares y Betulio Medina a participa den un sentido homenahe na Venezuela.
E ciere di e hornada musical a coresponde na e cantautor y productor Venezolano, Juan Miguel.
E organisacion a entrega reconocimento na Betania Rojas (Tachira), kende a gana
Miss Amistad y Fernanda Zabian (Apure), a keda corona como Miss Talento.
Rosangelica Piscitelli, e gran faborito di e anochi y a sorprende ora di a keda den cuarto finalista, a wordo eligi Miss Fotogenica. E modelo y actriz tambe a bay cu e sjerp y trofeo di Miss Elegancia, reconocimento den e edicion aki cu a keda entrega den homenahe na Susana Duijm, kende a fayece e aña aki y kende a bin cu e prome corona di Miss Mundo pa e pais na 1955.
Fuente: NTN24