Ing. Marlon Croes (DOW): Aruba lo bay conoce mas rotonde den 2019

Ing. Marlon Croes director di DOW a tene un conferencia di prensa diamars atardi pa duna informacion riba e trabao cu ta bay tuma luga en conexion cu Watty Vos Boulevard. Lo bay cera algun caminda y unda lo bay ta trahando pa un periodo mas largo. Den margen di esaki tin dos “overpas” cu mester wordo traha un ta na Hato y uno ta na Meiveld na altura di Codemsa. DOW lo cera e dos camindanan aki, esta e caminda di Hato cu ta conecta Paradijswijk cu e caminda direccion EPB/Aruba Aloe y esaki lo keda cera pa un periodo di sigur seis luna y esaki tambe ta e caso na altura di Codemsa.

E camindanan aki lo wordo cera entrante 12 di Januari, esta Diasabra awo y di biaha e trabaonan lo cuminsa. Tambe t’asina cu DOW tin un trabao cu a wordo para durante fin di aña cu ta e crusada na altura di ling & Sons y freezon di Bushiri. Esey tabata proyecta pa tuma den luna di December pero pa motibonan di dianan di fiesta y mirando cu esaki no lo keda cla y asina a palabra cu e contratista cu no por cera e trafico p’asina esaki keha sigui normal durante dianan di fiesta. E periodo di construccion na e area aki ta di 3 luna. Mas despues den luna DOW lo bin cu mas anuncionan pa comunidad di Aruba cu lo bai tin e crusada di Seroe Patrishi pa converti esaki den un retonde. Tin esun di Sun plaza tambe tambe esun di Juancho Irausquin Boulevard na altura di Alhambra Casino, cual crusada practicamente tur dia tin accidente.

 

Tin tambe esun di Eagle Beach Oceania unda e caminda cu ta bini di e caminda grandi di Eagle Bowling bay abao y e punta ey lo wordo converti den un rotonde. Tin esun tambe di Bubali Plas net na e crusada net panort di Amsterdam Manor y e reconstruccion di e retonde na Sta. Helena na altura di oficina di abogadonan Ecury and Partners. Y tambe tin esun di Montaña na altura di Fermin’s Bar y e ultimo ta e cruzada di ex-Rio Grande pero esaki lo wordo anuncia na su momento indica. Pero pa awoki ta e dos camindanan aki cu a wordo menciona lo wordo cera pa construccionnan tuma lugar.

 

Comments

comments