ING condena na paga 500 mil euro na daño y perhuicio den caso di fraude

AMSTERDAM, Hulanda – ING lo mester paga Foot Locker casi 500 mil euro na daño y perhuicio door cu algun aña atras e banco no a actua rapido ora cu a descubri fraude den e cadena di paña y sapatonan deportivo. Esaki ta segun sentencia di un corte di Amsterdam.
Ta trata di e caso di un estafador di 25 aña, cu na final di 2014 a habri un ‘business account’ na ING, bou di e nomber Ups Consultancy. E tabata sa di a convence Foot Locker cu e servicio di koerier UPS a habri un otro cuenta: esun di dje. Esaki a pone cu e estafador a logra horta 1.9 miyon euro.
Dado momento e banco a nota cu algo no tabata klop. Riba e cuenta ey, pa lunanan largo tabata tin trasnaccionnan grandi tabata drenta, mientras cu e homber na momento di habri e cuenta a bisa cu tabata trata di un eenmanszaak. Pero tambe, e placa tabata wordo transferi di biaha pa un cuenta na Belgica.
violacion
Segun corte, ING no a haci un investigacion riguroso ariba e transaccionnan inusual. Tampoco a blokia e cuenta bancario na tempo. Cu esey, e banco a viola su obligacion di cuidado, segun e sentencia.
Den e caso aki, ING anteriormente a wordo suma pa paga un daño y perhuicio di 300 mil euro, pero a apela esaki. E biaha aki corte a dicta un suma mas halto. Pero Foot Lockter tambe tin culpa den esaki. P’esey e compania mester carga un parti di e daño su mes.
E caso ta mustra similaridad cu’n otro den cual ING aña pasa mester a cumpli cu’n settlement cuantioso. Esaki ta pa fayonan den control pa cual clientenan di e banco por a haci uzo di nan cuenta bancario pa nan transaccionnan criminal. E estafador di 25 aña a wordo condena caba na 2016. E lo mester a paga Foot Locker 1,8 euro bek.

Comments

comments