Infra Team a haci area rond di forn’i calki limpi y a cera esaki

Tur e departamento di Medio Ambiente, consistiendo di Bureau City Inspector, Serlimar y InfrAruba, a dicidi di bay haci e area di e forno di calki den Rancho limpi.
Sr. Robby Rosel, vocero di Bureau City Inspector a bisa cu e forno aki lo wordo full cera, unda cu Serlimar a ruim op e parti paden pa haci limpi, pa despues pone e heronan, e tubonan a wordo hinca den e beton, mescos cu a wordo haci na e partinan di grot, cu a wordo cera, pa asina e parti aki a wordo cera pa evita cu e adictonan ambulante por (mal) uzo di esaki, pa no tin niun situacion mas, unda cu’n di e personanan aki mester a wordo manda Colombia den estado critico. Asina tambe a yega na e decision pa cera e area aki pa evita cu algo asina lo por pasa un biaha mas.
A pone un tubo, unda cu tin e buraco, cu lo cera e forno pa asina niun hende no drenta den dje, esaki ta pa esaki wordo protegi. No a yega na e etapa ainda di cera e rond di e forno completamente. Pero pa locual ta e buraconan, esakinan si lo wordo cera.

Comments

comments