DEN HAAG, Hulanda – Diamars anochi, Rey Willem-Alexander a combersa cu Edith Schippers, cu den e ultimo simannan a fungi como informador pa sondea e posibilidad pa forma un gabinete nobo. Schippers a papia cu Rey Willem Alexander tocante su intentonan fracasa pa forma un gobierno cu VVD, CDA, D66 y GroenLinks.
Dialuna caba tabata cla cu e intento di formacion a fracasa. Schippers a informa cu migracion tabata e obstaculo di mas grandi y el a pone Rey WIllem Alexander tambe na altura cu e combersacionan cu e cuater partidonan a fracasa. Y diamars anochi el a papia cu e Rey. un paar di ora prome el a trece su ultimo informe tocante e formacion di gobierno na e Presidente di Tweede Kamer, Khadija Arib. Den su informe Schippers ta sugeri pa e siguiente informado lo mester cuminsa explora full di nobo.
Fuente: www.detelegraaf.nl