Pa di promé biaha Marinirnan Hulandes ta trein huntu koleganan Colombiano riba suela Colombiano. E ehersisio militar konhunto den Turbo ta dura tres siman i ta dirigí su mes riba reforsá e koperashon bilateral i e interkambio di konosementu i eksperensia operashonal.
Durante e ehersisio diferente senario ta keda di trein, entre otro operashonnan riba riu, operashonnan anfibio i operashonnan na kosta. Esakinan ta destresanan krusial dentro di e dominio Marino. Pa medio di treinen konhunto den e áreanan di trein desafiante di Colombia, e unidatnan ta engrandesé nan despliegue bou di vários sirkunstansia. Ademas di e Marinirnan tambe e barku di sosten Zr.Ms. Pelikaan ta partisipá na e ehersisio. Asina e ta partisipá na ehersisionan marítimo riba laman i ta sòru pa transportá material i e unidatnan.
“E treinen aki ta brinda un chèns úniko pa siña di otro”, Mayor Rik, Komandante di e Eskuadron di Marina Carib, ta bisa. “Nos ta kombiná nos konosementu, mehorá destresanan, esun di e otro, i ta konstruí na konfiansa mutuo.” Tambe di banda Colombiano tur hende ta positivo tokante e koperashon i e ehersisio.
E ehersisio ta un paso konkreto den e asosiashon militar entre Hulanda i Colombia. Un paso balioso den e kolaborashon riba tereno di seguridat, treinen i preparashon operashonal. Esaki ta sòru pa brinda pas i seguridat den Region Karibe.
