Campeonato HEINEKEN fast pitch di Aruba Softball Bond dedica na Chin Thiel (q.e.p.d) y e trabuco Wilbert “Wiwi” Maduro a continua. Den categoria AA e Injannan di Macuarima a topa cu Logros den un wega di bastante bataso. Finalmente Macuarima ta sali victorioso garantisando nan e ticket pa play off AA. Macuarima Indians 13 careda, 15 hit, 2 error y ta laga 8 coredor den circulacion. Logros 8 careda, 6 hit, 2 error y ta laga 5 coredor na base. Como equipo Macuarima a bay di 31-15 bon pa un averahe di 484 y Logros a bati como equipo 19-6 bon pa un averahe di 316. Miho batiadonan pa Macuarima Indians a resulta Darl Quandus di 3-3, Edgard Flanegin di 3-2 cu 2 rbi, Aaron Dominguez Ballesteros 4-3 cu 2 rbi, Javier Croes di 2-1 cu 2 rbi, Jorrick Briesen 3-2 .
Pa Logros a destaca na plato den causa perdi Jose Rosario Acosta 2-2 cu 2 rbi, Elvin de la Cruz 2-1 y Johnny Rasmijn 2-1 cu 2 rbi. Benjamin Geerman kende a drenta releva Revelino Silieden promer inning ta resulta pitcher ganador. Benjamin ta lansa 19 bola, 33 strike pa un total di 52 lansamento permitiendo 3 careda limpi y no ta regala base por bola. Revelino den promer inning a regala 4 base por bola pa un total di 37 lansamento. Clemente Garcia ta bay 5 inning pero mester conforma su mes cu e derota lansando 60 bola y 68 strike pa un total di 128 lansamento permitiendo 13 careda limpi regalando 4 base por bola.
Weganan ta continua dialuna awor 24 di september na veldnan na Pos Chiquito unda pa 715pm promer wega final di A-Klas den un serie di 5 wega entre Blackhawks y Celebrities. Pa 9pm o tin e ultimo wega di campeonato valido den categoria AA entre Balashi Premium vs Macuarima Indians unda AA ta preparando pa nan Playoff cual lo inicia diaranso awor. Fanaticada di softball waak pa Bo tey!!!