E CPI pa luna di Februari 2017 ta 16.58, loke ta representa un caida leve di 0.04%compara cu e indice di Januari 2017 (116.63) y acumulando un caida di
1.2% te cu na Februari di e aña aki. E cambio di e CPI pa e ultimo diesdos (12) lunanan (Februari 2016 te cu Februari 2017) ta-0.3%, un subida di 0.3 punto di porcentahe (
ppt) compara cu e periodo corespondiente di aña pasa (-0.6%). E promedio anual di e tasa di inflacion pa e periodo di Februari 2016 te cu Februari 2017 ta – 0.8 %, un caida di 1.0 ppt compara cu e 0.2% registra den e periodo di Februari 2015 te cu Februari 2016. Durante e luna aki, cinco (5) di e diesdos (12) sectornan a registra caida di prijs. E caidanan cu tawata tin e mayor efecto riba e CPI a wordo registra pa e sectornan di “Cuminda y bebida no-alcoholico” (-0.6%), “Recreacion y cultura” (-0.5%) y “Paña y sapato” (-0.6%), causando un efecto di -0.09, -0.04 y-0.03ppt, respectivamente. E caidanan den e restante sectornan a contribui cu un efecto di -0.02ppt riba e CPI di Februari2017. E caidanan aki a wordo contraresta parcialmente door di principalmente subidanan den e indicenan di e sectornan di “Transporte” (0.3%) y “Vivienda” (0.2%) , cu a contribui cada uno cu un efecto di 0.05ppt riba e CPI di Februari 2017. E subidanan den e sectornan restante a contribui cu un efecto di 0.04ppt riba e CPI di Februari 2017. E caida den sector di “Cuminda y bebida no-alcoholico” a wordo causa principalmente door di un caida di 0.7% den e categoria “Cuminda”, causando un efecto di-0.08ppt. E caida den e sector di “Recreacion y cultura” a wordo causa principalmente door di un caida den e categoria “Vacacion” (-4.8%), causando un efecto di-0.03ppt. E caida den e sector di “Paña y sapato” a wordo causa principalmente door di un caida di 0.5% den e categoria “Paña”, causando un efecto di-0.02 ppt. E subida den e sector di “Transporte” a wordo causa door di subidanan di 0.3% y 1.6% den e categorianan “Gasto relaciona cu uso di vehiculo di transporte personal” y “ Servicio di transporte” , causando un efecto di 0.03y 0.02 ppt. E subida den e sector di “Vivienda” a wordo causa principalmente door di un subida den e categoria “Mantencion y reparacion di vivienda” (0.8%), causando un efecto di 0.03 ppt. E canasta di consumo di e CPI ta consisti di 452 bienes y servicionan. Compara cu Januari 2017, 31.2% di e bienes y servicionan aki a conoce un aumento di prijs causando un efecto di 0.34ppt, mientras cu 29.9% ta mustra un caida di prijs, cu a contribui cu efecto di -0.39ppt y pa e restante 38.9% no tawata tin cambio den prijs. Prijsnan di bienes a baha cu 0.1% na Februari 2017 y a causa un efecto di -0.06ppt riba e CPI di Februari 2017. Prijsnan di servicionan a conoce un subida di 0.05% y a causa un efecto di 0.02ppt. E CPIC (core inflation) -CPI excluyendo e efecto di energia y cuminda-a registra na Februari 2017 un subida di 0.6%, un caida di 0.6ppt, compara cu e periodo corespondiente di aña pasa (1.2%). E indice di energia -cu ta consisti di e productonan: electricidad , awa, gasolin y diesel a registra un caida di 6.5%, cu ta 3.0ppt mas abou compara cu e periodo corespondiente di aña pasa (-3.5%). E indice di cuminda a registra un subida di 0.1%, cu ta 0.7ppt mas abou compara cu e periodo corespondiente di aña pasa (0.8%). E bestaansminimum pa un hogar consistiendo di dos (2) adulto y dos (2) mucha (edad 0-14 aña) na Februari 2017 ta Afl. 4,314, mientras cu
n hogar di un (1) adulto e suma ta Afl. 2,054.
Prijs di utilidad (electricidad y awa), gasolin y diesel ta wordo determina primordialmente door di e prijs internacional di petroleo. Na Februari 2017 e prijs promedio pa bari di petroleo (US$ 53.37) a conoce un subida di US$ 0.88 (1.7%) compara cu Januari 2017 (US$ 52.49). Brandstof clausule pa un uso di electricidad te cu 500 kWh no a cambia na Februari 2017, el a keda Afl. 16.02 cent pa kWh. Brandstof clausule pa un uso di cada kWh entre 501 -1000 kWh no a cambia na Februari 2017, el a keda Afl. 21.72 cent pa kWh.
Prijs di electricidad y di awa no a cambia compara cu Januari 2017. E prijs promedio di electricidad pa vivienda a keda Afl. 265.65, mientras cu e prijs promedio di awa pa vivienda a keda Afl. 137.05.Prijs di gasolin a subi na Februari 2017 cu Afl. 1.00 cent (0.6%) y a causa un efecto di 0.03ppt riba e CPI. Prijs di diesel a registra un caida di Afl. 1.20cent (-0.8%) na Februari 2017 y a causa un efecto insignificante riba e CPI. Februari 2017, utilidad, gasolin y diesel como grupo, tawata tin un subida di prijs di 0.2% compara cu Januari 2017 y hunto a influencia e CPI cu 0.03ppt, mientras cu e restante 448 bienes y servicio hunto a experencia un caida di prijs di 0.1% y tawata tin un efecto di -0.07ppt riba e CPI.
Cambio di prijs di Cuminda y servicio di catering na Februari 2017. E indice di
“
Cuminda & servicio di catering ”a registra un caida di 0.4% na Februari 2017, despues di un caida leve di 0.05% na Januari 2017. E indice di “Cuminda na cas”(-0.6%) a registra un caida, unda seis(6) di e diesun(11) indicenan di e gruponan di cuminda na cas a baha na Februari 2017. E indice di “Fruta”a conoce e caida di mas grandi (-5.2%) na Februari 2017. E indicenan di “Pisca y otro cuminda di lama ”(-1.3%), “Sucu, jam y tro tipo di cos dushi ”(-0.9%)y “Berdura”(-0.2%) tambe a registra caidanan. E indice di “ Batata, yuca y batata dushi” (2.5%) a registra e subida di mas grandi. Ademas subidanan di 0.9%, 0.3% y 0.3% a wordo registra pa e indicenan di “Azeta y otro productonan traha di vet” , “Carni”y “Restante productonan pa alimentacion ”, respectivamente. Den e ultimo diesdos (12)lunanan e indice di “Cuminda & servicio di catering” a subi cu 0.5%. E indice di “Cuminda na cas” a conoce un subida di 0.1%. E indice di “Fruta” a subi cu 9.2%, e subida di mas grandi entre e gruponan di cuminda na cas, mientras cu e indice di “Berdura” a conoce e caida di mas grandi cu 3.3%.E indice di “Cuminda pafo di cas” a registra un subida di 0.3% na Februari 2017, despues di un subida di 0.5% na Januari 2017 y registrando un subida di 1.5% den e ultimo diesdos
12 lunanan.
Na Februari 2017 , “Cuminda na cas” y “Cuminda pafodi cas” como grupo, tawata tin un caida di prijs di 0.4% compara cu Januari 2017y hunto tawata tin un influencia di -0.07ppt riba e CPI, mientras cu e restante bienes y servicio hunto a experencia un subida di prijs di 0.04% y tawata tin un efecto di 0.03ppt riba e CPI.