CARACAS/NEW DELHI- Venezuela ta ocnta cu e reservanana di petroleo mas grandi di mundo, pero cada biaha e ta bolbe haya problema pa bende esaki.
Y tur cos ta indica cu e lo bira mas dificil: dia 24 di mei ultimo, e embahador di India na Merca, Harsh Vardhan Shringla, a informa den un reunion cu periodistanan cu su pais a stop di cumpra crudo Venezolano.
E pais Suramericano a registra pa tres aña caba den un caida grandi di e produccion di crudo cu a pasa di 2.4 miyon bari diario na december 2015 pa 830 mil bari diario na april ultimo.
E cifra aki ta esun mas abou desde januari 2003, ora cu e petrolero estatal Venezolano, Pdvsa, a tene un welga di gran magnitud unda cu miles di trahado opositor di e presidente di e tempo ey, Hugo Chavez.
Desde cu na januari ultimo, Merca a dicidi di sanciona e gobierno di e mandatario Nicolas Maduro cu e suspension di pago di e benta di crudo, cu den practica ta ekivalente na un paro di e importacion di petroleo, e produccion Venezolano a cay den casi 400 mil bari pa dia, segun cifranan di e Agencia di Informacion di Energia di Merca.
E medida di Cas Blanco a nifica un golpi fuerte pa e finazas di e gobierno Venezolano, ya cu Merca e tempo ey tabata e cumprado mas grandi di e crudo y su fuente mas grandi di divisas en efectivo.
Prome cu sancionnan , entre 40 pa 50% di e petroleo tabata bay Merca, y e resto principalmente pa India y China, cu ta importa algo mas di 20% cada uno”, e analista Hari Seshasayee, di Wilson Center, a informa na BBC Mundo.
E decision di Washington a duna India un posicion di gran relevancia pa economia Venezolano, ora cu el a bira e prome cumprado di crudo.
Si tuma na cuenta e necesidadnan grandi di energia importa cu e economia di India tin, na comienso analistanan a contempla e posibilidad di cu e gigante Asiatico lo por absorbe e casi mey miyonn bari diario cu Washington tabata cumpra di Caracas.
E hipotesis aki, sin embargo, pronto a wordo descarta y awo, despues di e anuncia di e embahador Indio na Washington, cual tur cos ta indica e ceramento di e mercado di India na e crudo Venezolano.
